తెలుగు సేవ

మాతృభాషా దినోత్సవం - ఇంక మూడేళ్ళు కూడా నిండని మా అబ్బాయి అ నుండి ఱ వరకు నేర్చుకున్నా..  తెలుగులో అంకెలు ఒకటి, రెండు, అని పది వరకు చెపుతున్నా.. నాన్నా అని పిలుస్తున్నా.. కన్నా నిదురించరా అనో లేక చిట్టి చిలకమ్మా అనో పాటలు పాడుతున్నా.. ఉదయం లేవగానే అమ్మా, పాలు అని అడుగుతున్నా - విదేశం లో నేను చేయగలిగిన.. చేస్తున్న పిసరంత తెలుగు సేవ తో  ప్రతీ రోజూ ఉత్సవమే !

వెతుకులాట

నేను బ్లాగు మొదలెట్టిన కొత్తలో రాసుకున్న మాట...చిన్న కాగితాన్ని వదలకుండా చదివే నేను ఈ బ్లాగు లోకం లొ వున్న సాహిత్యాన్ని చూసి మైమరచి పోయాను. (నిజానికి పండగ చేస్కుంటున్నాను )

ఇప్పుడేమో రాసే వాళ్ళు అందరు ఎటు మాయం అయిపోయారో తెలీక వెతుకుతూనే ఉన్నాను.కొంతలో కొంత నయం వెబ్ పత్రికలు కనిపిస్తూ ఉన్నాయి.

ఆకాశాన హరివిల్లు

దాదాపు 2 సంవత్సరాలు అయిందేమో నిన్ను చూసి... అందుకే ఈసారి కెమేరా లో పట్టి పెట్టుకున్నా....
ప్రణవ్ పెద్దయ్యాక చూపించాలి కదా.. తను నిన్ను మొదటిసారి చూసింది ఇలా అని...